માનનીય વડાપ્રધાન નરેન્દ્ર મોદીના રમતગમતની સંસ્કૃતિને સતત પ્રોત્સાહન અને દૂરદર્શીતા, માનનીય કેન્દ્રીય ગૃહમંત્રીશ્રી અમિત શાહ, રાજ્યના મુખ્યમંત્રી ભૂપેન્દ્રભાઈ પટેલ તથા નાયબ મુખ્યમંત્રી હર્ષ સંઘવીના અથાક પ્રયાસોના લીધે ભારત ખેલકૂદના ક્ષેત્રમાં સતત આગેકુચ કરી રહ્યું છે. જેના પરિણામસ્વરૂપે કોમનવેલ્થ રમતોત્સવની શતાબ્દી અંતર્ગત ૨૪-મા કોમનવેલ્થ રમતોત્સવની યજમાની અમદાવાદને પ્રાપ્ત થઇ છે. 

કોમનવેલ્થ ગેમ્સનો પ્રારભ થયા’ના શતાબ્દી વર્ષની ઉજવણી Commonwealth Games 2030માં થઇ રહી હોઈ, આ નિર્ણય ભારત અને કોમનવેલ્થ સપોર્ટસ મુવમેન્ટ માટે એતિહાસિક ક્ષણ બની રહેશે. આ નિર્ણય કોમનવેલ્થ રાષ્ટ્રોની રમતગમત પ્રત્યેની શ્રેષ્ઠતા, એકતા અને સંયુક્ત પ્રગતિના ૧૦૦ વર્ષની ઉજવણીના પ્રતિકરૂપ બની રહેશે. 

અત્રે ઉલ્લેખનીય છે કે, ભારતમાં રમતગમતની સંસ્કૃતિને પ્રોત્સાહન આપવા માટે ‘ખેલો  ઇન્ડિયા’થી પ્રતિભાવંત ખેલાડીઓની શોધ અને તેમના સંવર્ધન માટે સતત પ્રવૃત એવા દેશના યશસ્વી વડાપ્રધાન નરેન્દ્રભાઈ મોદીના સતત માર્ગદર્શનના લીધે દેશને કોમનવેલ્થ રમતોત્સવની યજમાની કરવાનું ગૌરવ પ્રાપ્ત થયું છે. આ ક્ષણને વધાવી લેતા કેન્દ્રિય ગૃહ મંત્રી અમિત શાહે દેશના સૌ નાગરિકોને અભિનંદન પાઠવતા જણાવ્યું હતું કે, આ મોદીજીના સતત પ્રયાસોને આભારી છે. રમતગમતને લગતી સબળ માળખાકીય સુવિધાઓ અને ખેલાડીઓ ઉભા કરીને તેને આંતરરાષ્ટ્રીય કક્ષા સમકક્ષ મુકવાના લીધે જ આ બહુમાન ભારત અને ખાસ કરીને અમદાવાદને પ્રાપ્ત થયું છે. 

​‘અમદાવાદ, ગુજરાત અને ભારત માટે આ અપ્રતિમ ગૌરવની ક્ષણ છે’ તેમ જણાવી મુખ્યમંત્રી ભૂપેન્દ્રભાઈ પટેલે વડાપ્રધાન નરેન્દ્રભાઈ મોદીના વિઝન અને કેન્દ્રિય ગૃહમંત્રી અમિતભાઈ શાહના સતત પ્રયાસોને વખાણતા ઉમેર્યું હતું કે, ગુજરાત હવે દેશના સપોર્ટસ કેપિટલ તરીકે ઉભરશે. એટલું જ નહિ, વિકસિત ગુજરાતથી વિકસિત ભારતની સંકલ્પનાને વધુ મજબુત કરશે.

આ પ્રસંગે કેન્દ્રિય રમતગત અને યુવા બાબતોના મંત્રી ડૉ.મનસુખ માંડવીયાએ જણાવ્યું હતું કે, ‘અમદાવાદમાં  યોજાનારી Commonwealth Games 2030 એ ભારતની વિકાસયાત્રાનો તથા રમતગમતને રાષ્ટ્રીય વિકાસના સાધન તરીકે અપનાવવાની પ્રતિબદ્ધતાનો ઉત્સવ બની રહેશે. આ સીમાચિહ્ન ‘વિકસિત ભારત@૨૦૪૭’ના આપણા વિઝનને મજબૂત બનાવશે અને પ્રભાવશાળી, સમાવેશી તથા ટકાઉ રમતગમત કાર્યક્રમોનું આયોજન કરવામાં ભારતની વૈશ્વિક નેતૃત્વક્ષમતાને વધુ સુદૃઢ કરશે.”

ગુજરાતના નાયબ મુખ્યમંત્રી હર્ષ સંઘવીએ ઉત્સાહભેર જણાવ્યું હતું કે, “આ ક્ષણ ગુજરાત તથા ભારત માટે અત્યંત ગૌરવપ્રદ ક્ષણ છે. સો વર્ષ પૂર્ણ થતી Commonwealth Games 2030નું આયોજન કરવું એ અમારા માટે સન્માન અને જવાબદારી બંને છે. અમદાવાદ અને ભારતની પ્રગતિ, સમાવેશી વિચારસરણી તથા આતિથ્યની ઝલક દર્શાવતા આ ઉત્સવ સાથે વિશ્વનું સ્વાગત કરવા અમે સંપૂર્ણપણે તૈયાર છીએ. આ રમતો આપણી માળખાકીય સુવિધાઓ અને પ્રતિભાનું પ્રદર્શન જ નહીં, પરંતુ એકતા, ટકાઉ વિકાસ તથા શ્રેષ્ઠતા જેવા આપણા મૂલ્યોનું પણ પ્રતિબિંબ પાડશે”

આ તકે કોમનવેલ્થ ગેમ્સ એસોસિએશન ઓફ ઈન્ડિયાના પ્રમુખ ડૉ. પી. ટી. ઉષાએ  જણાવ્યું હતું કે, “કોમનવેલ્થ સ્પોર્ટ દ્વારા અમારા પર જે વિશ્વાસ મુકવામાં આવ્યો છે તેનાથી  અમે ખૂબ જ ગૌરવાન્વિત છીએ. Commonwealth Games 2030ની રમતો માત્ર કોમનવેલ્થ ચળવળના સો વર્ષની ઉજવણી જ નહીં, પરંતુ આવનારી  સદીનો પાયો પણ નાખશે. આ રમતો Commonwealth Games 2030ના તમામ દેશોના ખેલાડીઓ, સમુદાયો અને સંસ્કૃતિઓને મિત્રતા તથા પ્રગતિની ભાવના સાથે એકસૂત્રે બાંધશે”

કોમનવેલ્થ સ્પોર્ટના પ્રમુખ ડૉ. ડોનાલ્ડ રુકારેએ જણાવ્યું હતું કે, “અમદાવાદ શહેરની  વર્ષ-૨૦૩૦ના કોમનવેલ્થ ગેમ્સના યજમાન તરીકે સત્તાવાર પસંદગી એ ભારતની કોમનવેલ્થ ચળવળ માટેની એક નિર્ણાયક ક્ષણ છે. વિશ્વની સૌથી વધુ વસ્તી ધરાવતા દેશ તરીકે ભારત સો વર્ષ પૂર્ણ કરનારા આ રમતોત્સવમાં વિશાળતા, યૌવન, મહત્વાકાંક્ષા, સમૃદ્ધ સંસ્કૃતિ તથા અપાર રમતપ્રેમ લઈને આવશે. ભારતનો આ રમતોત્સવ માટેનો પ્રસ્તાવ સમાવેશી તથા ભવિષ્યલક્ષી કોમનવેલ્થ સ્પોર્ટના અમારા વિઝન સાથે સંપૂર્ણપણે મેળ ખાનારો છે.”

આજની આ જાહેરાત સમગ્ર ભારત દેશ માટે અત્યંત ગૌરવની ક્ષણ છે, જે દેશમાં વધી રહેલા વૈશ્વિક કક્ષાના સ્પોર્ટ્સના માળખા અને આ પ્રકારની સ્પોર્ટ્સ ઇવેન્ટનું નિયમન કરવાની રાષ્ટ્રની ક્ષમતાને પ્રતિબિંબીત કરે છે. ભારત દ્વારા રજુ કરવામાં આવેલા સર્વસમાવેશકતા અને મજબૂતાઈની વિભાવનાને સમાવતા “ન્યૂ એજ ગેમ્સ ફોર અ ન્યૂ સેન્ચુરી”ના થીમ આધારિત બિડ કોમનવેલ્થ  જનરલ અસેમ્બલીને પ્રભાવિત કરી ગઈ હતી. આ થીમ કોમનવેલ્થ સ્પોર્ટ ગેમ્સના નિર્ધારિત સિદ્ધાંતો સસ્તું, સુગમ, સર્વસમાવેશકતા અને દીર્ઘકાલીન વારસાને બંધબેસતી હતી. 

અમદાવાદનો ગેમ્સ પ્લાન સંક્ષિપ્ત, આધુનિક અને ખેલાડી કેન્દ્રિત અભિગમ રજૂ કરે છે. એશિયાના સૌથી મોટા મલ્ટી-સ્પોર્ટ વિકાસ પ્રકલ્પોમાનું એક સરદાર વલ્લભભાઈ પટેલ સ્પોર્ટ્સ એન્ક્લેવ ગેમ્સના મુખ્ય કેન્દ્ર તરીકે કાર્ય કરશે. કરાઈ સ્થિત ગુજરાત પોલીસ એકેડેમી અને નારણપુરા ખાતેનું વીર સાવરકર સ્પોર્ટ્સ કોમ્પ્લેક્સ જેવા અત્યાધુનિક સપોર્ટસ સંકુલો આ વ્યવસ્થામા સહાયકની ભૂમિકા ભજવી મજબૂતાઈ પૂરી પાડશે. આ સ્પોર્ટ્સ સંકુલોની આસપાસમાં પરિવહનના સંકલિત નેટવર્ક્સ, રહેણાંકની અદ્યતન સુવિધાઓ, ડીજીટલ માળખું વર્ષ-૨૦૨૩ પૂર્વેની અમદાવાદની સજ્જતાને સિદ્ધ કરે છે. આ રમતોત્સવ સાથે પેરા-સ્પોર્ટ્સને પણ આવરી લેવામાં આવશે તથા સૌની સુગમતા સુનિશ્ચિત કરવાની સાથે નવીનીકરણીય ઊર્જા-આધારિત સ્થળો, ઓછા ઉત્સર્જનવાળા પરિવહન સંસાધનો  અને શૂન્ય-કચરાનાં સંચાલન દ્વારા ટકાઉપણામાં નવા ધોરણો પ્રસ્થાપિત કરવામાં આવશે.

Commonwealth Games 2030ના કોમનવેલ્થ ગેમ્સની યજમાની ‘વિકસિત ભારત–૨૦૪૭’ અને ‘વિકસિત ગુજરાત’ની સંકલ્પનાઓને સાકાર કરવાની  દિશામાં એક મહત્વપૂર્ણ સીમાચિહ્ન સાબિત થશે. આ ગેમ્સના આયોજનથી ગુજરાત ઝડપભેર દેશના ‘સ્પોર્ટીંગ કેપિટલ’માં રૂપાંતરિત થશે, જેના લીધે  શહેરી વિકાસ અને નવીનીકરણને પ્રોત્સાહન મળવાની સાથે રાજ્યમાં રોજગારીનું સર્જન થશે,  પર્યટનમાં નોંધપાત્ર વૃદ્ધિ થવાથી નાગરિકોની જીવનશૈલીમાં પણ આમૂલ પરિવર્તન આવશે.  

અમદાવાદને Commonwealth Games 2030નું યજમાન પદ : શ્રેણીબદ્ધ  તબક્કાઓ 

વર્ષ-૨૦૩૦ કોમનવેલ્થ ગેમ્સના યજમાનપદના અધિકાર મેળવવાની ભારતની યાત્રા કોમનવેલ્થ સ્પોર્ટ (CS) સાથેની સુવ્યવસ્થિત અને સહકારપૂર્ણ પ્રક્રિયા દ્વારા પૂર્ણ થઈ છે. આ પ્રક્રિયાની ઔપચારિક શરૂઆત તા.૯ જાન્યુઆરી ૨૦૨૫ના રોજ થઈ હતી,  જ્યારે ભારતને CS તરફથી ‘લેટર ઓફ ઈન્ટેન્ટ’ (LoI)નું આમંત્રણ મળ્યું. ત્યારબાદ ૨૯ જાન્યુઆરી ૨૦૨૫ના રોજ કોમનવેલ્થ સ્પોર્ટના પ્રમુખ અને CEOએ ગુજરાતની મુલાકાત લીધી અને રાજ્યના નેતૃત્વ સાથે વાતચીત કરીને રમતો માટેની પ્રાથમિક વિઝન અને  તૈયારીનું અવલોકન કર્યું. આ પછી તા.૧૩ માર્ચ ૨૦૨૫ના રોજ ભારતે ‘લેટર ઓફ ઈન્ટેન્ટ’ સુપરત કરીને રમતોનું આયોજન કરવા માટેની ઔપચારિક પ્રતિબદ્ધતા દર્શાવી. આ અંગેની તૈયારીઓ તેજ થતાં, તા.૨૯ એપ્રિલ ૨૦૨૫ના રોજ ભારત અને કોમનવેલ્થ સ્પોર્ટ વચ્ચે પ્રથમ વર્ચ્યુઅલ કિક-ઑફ મીટિંગ યોજાઈ, જેમાં વર્કસ્ટ્રીમ, દસ્તાવેજોની અપેક્ષાઓ તથા સમયમર્યાદા નક્કી કરવામાં આવી. મે, ૨૦૨૫માં બિડના તાંત્રિક વિકાસ માટે એક વિશેષજ્ઞ કન્સલ્ટન્સી એજન્સીની નિમણૂક કરવામાં આવી.

જૂન ૨૦૨૫માં ભારતનું ઉચ્ચસ્તરીય પ્રતિનિધિમંડળ લંડન ગયું અને કોમનવેલ્થ સ્પોર્ટના અધિકારીઓ સાથે મળીને પ્રસ્તાવના તાંત્રિક તથા સંચાલનાત્મક પાયાને વધુ મજબૂત બનાવ્યું. ત્યારબાદ તા.૩ ઑગસ્ટ ૨૦૨૫ના રોજ કોમનવેલ્થ સ્પોર્ટની ટીમે અમદાવાદની મુલાકાત લીધી અને સ્થળો, આધારભૂત સુવિધાઓ, શાસન વ્યવસ્થા તથા રમતોની તૈયારીનું મૂલ્યાંકન કર્યું.

તા. ૨૩ સપ્ટેમ્બર ૨૦૨૫ના રોજ ભારતે પોતાની ઔપચારિક બિડ પ્રેઝન્ટેશન રજૂ કરી, જેમાં સો વર્ષ પૂર્ણ થતી રમતોના આયોજન માટેની દ્રષ્ટિ, ક્ષમતા તથા તૈયારી દર્શાવવામાં આવી. વિગતવાર મૂલ્યાંકન પ્રક્રિયાના પરિણામે ૧૪ ઑક્ટોબર,૨૦૨૫ના રોજ કોમનવેલ્થ સ્પોર્ટ એક્ઝિક્યુટિવ બોર્ડે ભારતની બિડની મજબૂતાઈ, સ્પષ્ટતા તથા વ્યાવસાયિકતાને ટાંકીને અમદાવાદને યજમાન શહેર તરીકેની  ભલામણ કરી.

આ પ્રક્રિયાને આખરીઓપ તા. ૨૬ નવેમ્બર ૨૦૨૫ના આપવામાં આવ્યો અને  કોમનવેલ્થ સ્પોર્ટ જનરલ એસેમ્બલીએ અમદાવાદને વર્ષ-૨૦૩માં સો વર્ષ પૂર્ણ કરતી કોમનવેલ્થ ગેમ્સના યજમાન શહેર તરીકેની  પુષ્ટિ આપી. આ ક્ષણ ભારત, ગુજરાત તથા સમગ્ર કોમનવેલ્થ રમતગમત ચળવળ માટે ઐતિહાસિક ક્ષણ છે.

The post Commonwealth Games 2030ની યજમાની કરશે અમદાવાદ appeared first on ગુજરાત ન્યૂજ પોસ્ટ.

ટ્રેન નંબર 09429/09430 સાબરમતી-ગોરખપુર ત્રિસાપ્તાહિક અનારક્ષિત સ્પેશિયલ ટ્રેન વિશેષ ભાડા પર (12 ફેરા)

ટ્રેન નંબર 09429 સાબરમતી-ગોરખપુર ત્રિસાપ્તાહિક અનારક્ષિત સ્પેશિયલ ટ્રેન સાબરમતીથી 16 ઑક્ટોબર 2025 થી 26 ઑક્ટોબર 2025 સુધી દર ગુરુવાર, શુક્રવાર અને રવિવારે સવારે 08:50 વાગ્યે પ્રસ્થાન કરશે તથા બીજા દિવસે સવારે 10:00 વાગ્યે ગોરખપુર પહોંચશે. તેવી જ રીતે ટ્રેન નંબર 09430 ગોરખપુર-સાબરમતી ત્રિસાપ્તાહિક અનારક્ષિત સ્પેશિયલ ટ્રેન ગોરખપુરથી 17 ઑક્ટોબર 2025 થી 27 ઑક્ટોબર 2025 સુધી દર શુક્રવાર, શનિવાર અને સોમવારે બપોરે 13:00 વાગ્યે પ્રસ્થાન કરશે તથા બીજા દિવસે બપોરે 15:30 વાગ્યે સાબરમતી પહોંચશે.  

માર્ગમાં બંને દિશામાં આ ટ્રેન મહેસાણા, પાલનપુર, આબુરોડ, મારવાડ જં., અજમેર, જયપુર, ગાંધી નગર જયપુર, દૌસા, બાંદીકુઈ જં., ભરતપુર, ઇદગાહ આગ્રા, ટુંડલા, ઇટાવા, ગોવિંદપુરી, ઉન્નાવ, લખનૌ, બારાબંકી, ગોંડા, મનકાપુર અને બસ્તી સ્ટેશનો પર રોકાશે.  

ટ્રેન નંબર 09431/09432 સાબરમતી-બેગુસરાય અનારક્ષિત સ્પેશિયલ ટ્રેન વિશેષ ભાડા પર (28 ફેરા)

ટ્રેન નંબર 09431 સાબરમતી-બેગુસરાય અનારક્ષિત સ્પેશિયલ ટ્રેન સાબરમતીથી 14 ઑક્ટોબર 2025 થી 27 ઑક્ટોબર 2025 સુધી દરરોજ બપોરે 12:05 વાગ્યે પ્રસ્થાન કરશે તથા ત્રીજા દિવસે સવારે 08:00 વાગ્યે બેગુસરાય પહોંચશે. તેવી જ રીતે ટ્રેન નંબર 09432 બેગુસરાય-સાબરમતી અનારક્ષિત સ્પેશિયલ ટ્રેન બેગુસરાયથી 16 ઑક્ટોબર 2025 થી 29 ઑક્ટોબર 2025 સુધી દરરોજ બપોરે 12:00 વાગ્યે પ્રસ્થાન કરશે તથા ત્રીજા દિવસે સવારે 05:00 વાગ્યે સાબરમતી પહોંચશે.  

માર્ગમાં બંને દિશામાં આ ટ્રેન મહેસાણા, પાલનપુર, આબુરોડ, ફાલના, મારવાડ જં., બ્યાવર, અજમેર, કિશનગઢ, જયપુર, દૌસા, બાંદીકુઈ જં., ભરતપુર, ઇદગાહ આગ્રા, ટુંડલા, ઇટાવા, ગોવિંદપુરી, સુબેદારગંજ, મિર્ઝાપુર, પં. દીન દયાળ ઉપાધ્યાય જં., બક્સર, આરા, દાનાપુર, પાટલિપુત્ર જં., સોનપુર, હાજીપુર અને બરૌની જં. સ્ટેશનો પર રોકાશે.  

આ ટ્રેનમાં તમામ અનારક્ષિત શ્રેણીના કોચ રહેશે.  

ટ્રેનોના પરિચાલન સમય, સ્ટોપેજ અને સંરચના સંબંધિત વિગતવાર માહિતી માટે મુસાફરો www.enquiry.indianrail.gov.in પર મુલાકાત લઈ શકે છે.  

The post પશ્ચિમ રેલવે દિવાળી અને છઠ પૂજા તહેવારો માટે સ્પેશિયલ ટ્રેન ચલાવશે appeared first on ગુજરાત ન્યૂજ પોસ્ટ.

આ આરોપો પર પ્રતિક્રિયા આપતા, ગુજરાત સરકારના પ્રવક્તા અને મંત્રી ઋષિકેશ પટેલે સ્પષ્ટતા કરી હતી કે “પૂર્વ અમદાવાદમાં પણ વ્યાપક યોજનાઓ લાગુ કરવામાં આવી છે. વિકાસ ફક્ત પશ્ચિમમાં જ થયો છે એમ કહેવું હકીકતમાં ખોટું છે.”

તેમણે એમ પણ ઉમેર્યું હતું કે “પૂર્વ મુખ્યમંત્રી અને વર્તમાન વડા પ્રધાન નરેન્દ્ર મોદીએ શહેર, ગામડાઓ અને આદિવાસી વિસ્તારોને એકસાથે જોડીને સંતુલિત વિકાસનો પાયો નાખ્યો છે. આવી સ્થિતિમાં, પૂર્વ અને પશ્ચિમ વચ્ચે ભેદભાવની વાત પાયાવિહોણી છે.”

પૂર્વ અમદાવાદમાં આંકડાઓમાં કેટલો વિકાસ થયો છે?

સરકારી માહિતી અનુસાર, સરદારનગર, બાપુનગર અને ઓઢવ જેવા વિસ્તારોમાં 500 કરોડ રૂપિયાથી વધુના ખર્ચે શહેરી વિકાસ પ્રોજેક્ટ્સ અમલમાં મૂકવામાં આવ્યા છે. આમાં રોડ બાંધકામ, આરોગ્ય સુવિધાઓનું વિસ્તરણ, સ્ટ્રીટ લાઇટિંગ અને મેટ્રો કનેક્ટિવિટી જેવા પ્રોજેક્ટ્સનો સમાવેશ થાય છે.

બુલડોઝર કાર્યવાહી અને ઘૂસણખોરીનો મુદ્દો

તાજેતરમાં, અમદાવાદ, સુરત અને વડોદરામાં ગેરકાયદેસર બાંધકામો અને શંકાસ્પદ બાંગ્લાદેશી ઘૂસણખોરો સામે બુલડોઝર કાર્યવાહી પણ સમાચારમાં હતી. આ અંગે મંત્રી પટેલે કહ્યું, “આ કાર્યવાહી સંપૂર્ણપણે કાયદાના દાયરામાં રહીને કરવામાં આવી છે. તેનો કોઈ સાંપ્રદાયિક કે ચૂંટણીલક્ષી હેતુ નથી.”

મતદાર યાદી સુધારણા પર પણ પ્રશ્નો ઉઠાવવામાં આવ્યા

રાજ્યમાં સ્પેશિયલ ઇન્ટેન્સિવ રિવિઝન (SIR) પ્રક્રિયા અંગે પણ કેટલાક વર્ગો તરફથી પ્રશ્નો ઉઠાવવામાં આવ્યા છે, ખાસ કરીને જ્યારે બિહારમાં આ પ્રક્રિયા પર રાજકીય ચર્ચા શરૂ થઈ છે. આ વિશે પૂછવામાં આવતા, ઋષિકેશ પટેલે સ્પષ્ટતા કરી, “આ ચૂંટણી પંચ દ્વારા નિર્દેશિત પ્રક્રિયા છે, જેમાં રાજ્ય સરકાર ફક્ત સહાયક ભૂમિકા ભજવે છે. વિપક્ષ બિનજરૂરી રીતે તેને રાજકીય રંગ આપી રહ્યો છે.”

‘વિકાસ કા ઉત્સવ’: રોડ શો જનભાગીદારીનું પ્રતીક બન્યો

વડાપ્રધાન નરેન્દ્ર મોદીની તાજેતરની ગુજરાત મુલાકાત દરમિયાન આયોજિત ‘વિકાસ કા ઉત્સવ’ રોડ શોમાં 10 કિલોમીટર લાંબી શોભાયાત્રામાં શાળાના બાળકો, સાંસ્કૃતિક ઝાંખીઓ અને સામાન્ય નાગરિકોએ ભાગ લીધો હતો. સરકારનું કહેવું છે કે “આ કાર્યક્રમ એ સંદેશ આપે છે કે ગુજરાતમાં વિકાસ ફક્ત પ્રોજેક્ટ્સ પૂરતો મર્યાદિત નથી, પરંતુ તે એક જન આંદોલન છે.”

વડાપ્રધાનની આ મુલાકાત ગુજરાતમાં રોકાણ અને રોજગારની નવી શક્યતાઓ લઈને આવી છે. ઉપરાંત, સરકારે પૂર્વ-પશ્ચિમ વિકાસ સંતુલન, શહેરી સુરક્ષા અને મતદાર ઓળખ સંબંધિત સંવેદનશીલ ચર્ચાઓ પર તથ્યો સાથે પોતાનું સ્થાન સ્પષ્ટ કરવાનો પ્રયાસ કર્યો છે.

ગુજરાતનું રાજકીય દૃશ્ય હાલમાં શાંત છે

જ્યારે બિહારમાં મતદાર યાદી સુધારણા પર તીવ્ર રાજકીય પ્રતિક્રિયા આવી છે, ત્યારે ગુજરાતમાં આ પ્રક્રિયા અત્યાર સુધી પ્રમાણમાં શાંત અને વહીવટી માનવામાં આવી રહી છે. પૂર્વ અને પશ્ચિમ અમદાવાદ વચ્ચે વિકાસ પરની ચર્ચા દર્શાવે છે કે ઝડપથી વિકસતા શહેરી કેન્દ્રોમાં પ્રાદેશિક અસંતુલન પ્રત્યે સામાન્ય જનતા કેવી રીતે જાગૃત થઈ રહી છે. આવી સ્થિતિમાં, સરકારની પારદર્શિતા અને યોજનાઓની જમીની પહોંચ સામાજિક વિશ્વાસનો આધાર બનશે.

The post જ્યારે પ્રધાનમંત્રી આવે છે, ત્યારે રસ્તા, ગટર અને સફાઈ તાત્કાલિક કેમ કરવામાં આવે છે? કોંગ્રેસ કાર્યકર appeared first on ગુજરાત ન્યૂજ પોસ્ટ.

ટ્રાવેલ ઉદ્યોગ પાસેથી મંગાવવામાં આવેલા સૂચનો, દિવાળી સુધીમાં નવી ટુરિસ્ટ ટ્રેનની શક્યતા

બેઠકમાં, DRM વેદપ્રકાશે ટ્રાવેલ એજન્ટોને આગામી 10 દિવસમાં મુસાફરોની સમસ્યાઓ અને સૂચનોનો પ્રસ્તાવ તૈયાર કરવા વિનંતી કરી હતી, જે રેલ્વે મંત્રાલયને મોકલવામાં આવશે.

તેમણે એવો પણ સંકેત આપ્યો હતો કે ઉનાળાની રજાઓ અને તહેવારોને ધ્યાનમાં રાખીને દિવાળી પહેલા એક ખાસ ટુરિસ્ટ ટ્રેન શરૂ કરી શકાય છે, જેનું આયોજન કરવામાં આવી રહ્યું છે.

ટિકિટિંગ અને ગેરકાયદેસર મુસાફરોની સમસ્યા પર ખુલ્લી ચર્ચા

GTAA ના પ્રતિનિધિઓએ તત્કાલ ટિકિટ બુકિંગ, વેઇટિંગ લિસ્ટ અને રિઝર્વ્ડ કોચમાં ગેરકાયદેસર મુસાફરોની હાજરી જેવા મુદ્દાઓ ઉઠાવ્યા.

આનો જવાબ આપતા ડીઆરએમએ કહ્યું,

“રેલવે ૧૩૯ હેલ્પલાઇન નંબર દ્વારા તાત્કાલિક કાર્યવાહી કરે છે. આવા મુસાફરોને રિઝર્વ્ડ કોચમાંથી કાઢીને જનરલ કોચમાં મોકલવામાં આવે છે.”

તેમણે માહિતી આપી કે રેલ્વે હવે મુસાફરોને વેઇટિંગ લિસ્ટ વિશે ૯ કલાક અગાઉથી જાણ કરવાની યોજના પર કામ કરી રહી છે જેથી લોકો વૈકલ્પિક વ્યવસ્થા કરી શકે. મહિલા મુસાફરો અને વિદેશી પ્રવાસીઓની સુરક્ષા પ્રાથમિકતા છે.

મહિલા સુરક્ષા વિશે વાત કરતા ડીઆરએમએ કહ્યું કે ‘મેરી સહેલી’ યોજના હેઠળ, મહિલા મુસાફરોની મુસાફરીની માહિતી આરપીએફને અગાઉથી આપવામાં આવે છે. આ યોજનાથી અત્યાર સુધીમાં ૧૦૦૦ થી વધુ મહિલાઓને મદદ મળી છે.

આ સાથે, વિદેશી પ્રવાસીઓની સુરક્ષા માટે રેલ્વે સ્ટેશનો અને ટ્રેનોમાં દેખરેખ વધારવામાં આવી રહી છે.

ખોરાકની ગુણવત્તા પર પ્રશ્નો, ડીઆરએમએ સુધારો કરવાનો સંકેત આપ્યો

મીટિંગમાં ખોરાકની ગુણવત્તા પણ ચર્ચાનો વિષય હતો.

ટ્રાવેલ એજન્ટ અમિત શાહે જણાવ્યું હતું કે

“વંદે ભારતમાં મુસાફરી કરતા લગભગ 40-50% મુસાફરો ખોરાક લેતા નથી કારણ કે તેઓ ગુણવત્તાથી સંતુષ્ટ નથી. આ સાથે, ગુમ થયેલા સામાન અંગેની ફરિયાદોનું તાત્કાલિક નિવારણ પણ વેદ પ્રકાશ સમક્ષ ઉઠાવવામાં આવ્યું હતું.

આના પર, ડીઆરએમ વેદપ્રકાશે જવાબ આપ્યો કે રેલ્વે મારુતિ સુઝુકી મોડેલ પર આધારિત ફૂડ સર્વિસ પોઈન્ટ વિકસાવી રહી છે, જ્યાં મુસાફરોને પ્લેટફોર્મ પર 20 મિનિટના રોકાણ દરમિયાન ગરમ ખોરાક મળશે. ખોવાયેલા સામાનનું ડિજિટલ સોલ્યુશન્સ અને ટ્રેકિંગ

રેલ્વે હવે “વોર રૂમ” સ્તરે ફરિયાદોના નિરાકરણ પર નજર રાખી રહ્યું છે. 139 હેલ્પલાઇન નંબર ઉપરાંત, ડિજિટલ પ્લેટફોર્મ દ્વારા દરરોજ હજારો ફરિયાદોનું નિરાકરણ પણ કરવામાં આવી રહ્યું છે.

ઉદાહરણ શેર કરતા, ડીઆરએમએ જણાવ્યું હતું કે દિલ્હી સ્થિત રેલ્વે કર્મચારી શર્માજીએ અત્યાર સુધીમાં 1000 થી વધુ મુસાફરોનો ખોવાયેલો સામાન પરત કર્યો છે.

પર્યટનનો સીધો સંબંધ અર્થતંત્ર સાથે છે

જીટીએએના પ્રમુખ સંકેત શાહે જણાવ્યું હતું કે 2024-25માં 17 કરોડ ભારતીય અને 25 લાખ વિદેશી મુસાફરો મુસાફરી કરશે. રેલવે દ્વારા “રેલ્વે ફક્ત મુસાફરીનું સાધન નથી, તે હોટલ, રેસ્ટોરન્ટ, મોલ અને સ્થાનિક વ્યવસાય સાથે પણ સીધું જોડાયેલું છે.” GTAA અનુસાર, સંગઠનની અખિલ ભારતીય શાખાઓમાં 800 થી વધુ સભ્યો છે, જેમાંથી 400 મહિલા સભ્યો છે. ટ્રાવેલ ઉદ્યોગ ભાગીદારી સાથે રેલવે માટે નવી દિશા આ બેઠકમાં સ્પષ્ટપણે સૂચવવામાં આવ્યું હતું કે રેલવે હવે મુસાફરો-કેન્દ્રિત અને પ્રવાસન-મૈત્રીપૂર્ણ અભિગમ અપનાવી રહ્યું છે. DRM વેદપ્રકાશની આ પહેલ અને ટ્રાવેલ એજન્ટો સાથેની વાતચીત ભવિષ્યમાં મજબૂત રેલવે-પર્યટન ઇકોસિસ્ટમનો પાયો નાખી શકે છે.

The post અમદાવાદ ડીઆરએમ દ્વારા ભારતીય રેલ્વે પર્યટન અંગે ટ્રાવેલ એજન્ટો સાથે બેઠક યોજાઈ appeared first on ગુજરાત ન્યૂજ પોસ્ટ.

અમદાવાદના ખોખરા વિસ્તારમાં આવેલી સેવન્થ ડે એડવેન્ટિસ્ટ સ્કૂલમાં વિદ્યાર્થીની હત્યાથી સ્થાનિક સમુદાય, ખાસ કરીને સિંધી સમુદાયમાં રોષ ફેલાયો હતો. 20 ઓગસ્ટના રોજ, શાળા પરિસરમાં લગભગ 2,000 લોકો એકઠા થયા હતા, જેમણે બસ, કાર અને ટુ-વ્હીલર જેવી શાળાની મિલકતને નુકસાન પહોંચાડ્યું હતું. ટોળાએ આચાર્ય અને સ્ટાફ પર હુમલો કર્યો હતો, તેમજ શાળાના દરવાજા, બારીઓ અને અરીસાઓ તોડી નાખ્યા હતા. વાલીઓનો આરોપ છે કે શાળા મેનેજમેન્ટે ઘટનાને દબાવવાનો પ્રયાસ કર્યો હતો અને અગાઉ ફરિયાદો છતાં કોઈ કાર્યવાહી કરી ન હતી.

પોલીસે આ કેસમાં એક સગીર સહિત બે આરોપીઓની અટકાયત કરી છે અને હત્યાનું હથિયાર જપ્ત કર્યું છે. અમદાવાદ ક્રાઈમ બ્રાન્ચને તપાસ સોંપવામાં આવી છે, અને તે સીસીટીવી ફૂટેજ અને અન્ય વિદ્યાર્થીઓના નિવેદનોના આધારે તપાસ કરી રહી છે. જિલ્લા શિક્ષણ અધિકારી (DEO) એ શાળાને નોટિસ ફટકારીને ઘટનાની જાણ ન કરવા બદલ ખુલાસો માંગ્યો છે.

ગુજરાતના શિક્ષણ મંત્રી પ્રફુલ્લ પાનસેરિયાએ શાંતિ જાળવવા અપીલ કરી હતી અને આ ઘટનાને સભ્ય સમાજ માટે જાગૃતિનો સંકેત ગણાવ્યો હતો. પોલીસે ટોળાને વિખેરવા માટે લાઠીચાર્જ કર્યો હતો અને શાળાની બહાર 24 કલાક પોલીસ તૈનાત કરવામાં આવી હતી. આ ઘટનાએ શાળાઓમાં સુરક્ષા અને શિસ્તના મુદ્દાઓ પર ગંભીર પ્રશ્નો ઉભા કર્યા છે.

The post અમદાવાદના ખોખરામાં વિદ્યાર્થીની હત્યા, ટોળાએ શાળામાં તોડફોડ કરી appeared first on ગુજરાત ન્યૂજ પોસ્ટ.

આ પ્રસંગે, મુખ્યમંત્રીએ ભગવાન બિરસા મુંડાજીની પ્રતિમાનું પણ અનાવરણ કર્યું.

લાંભા વોર્ડમાં તૈયાર કરાયેલ આ શહેરી વન 4464 ચોરસ મીટર વિસ્તારમાં ફેલાયેલું છે. આ બગીચો 55 લાખ રૂપિયાના ખર્ચે વિકસાવવામાં આવ્યો છે.

આ શહેરી વનમાં, સાગ, ખેર, વાંસ, તલ અને અર્જુન જેવા લગભગ 8000 મૂળ વૃક્ષો મિયાવાકી પદ્ધતિથી વાવવામાં આવ્યા છે. એટલું જ નહીં, અહીં 250 મીટર લંબાઈનો વોક-વે પણ તૈયાર કરવામાં આવ્યો છે.

શહેરી વન ઉદ્યાનના ઉદ્ઘાટન પ્રસંગે, અમદાવાદના મેયર શ્રીમતી. પ્રતિભા જૈન, મ્યુનિસિપલ કમિશનર શ્રી બંછાનિધિ પાની, શહેરના ધારાસભ્યો, કાઉન્સિલરો અને મ્યુનિસિપલ કોર્પોરેશનના અધિકારીઓ હાજર રહ્યા હતા.

ઉલ્લેખનીય છે કે મુખ્યમંત્રી શ્રી ભૂપેન્દ્ર પટેલના માર્ગદર્શન હેઠળ, અમદાવાદ મ્યુનિસિપલ કોર્પોરેશને અમદાવાદ શહેરને ભારતનું સૌથી સ્વચ્છ શહેર બનાવવાના સંકલ્પને પૂર્ણ કર્યો છે.

હવે, ક્લીન સિટી અમદાવાદને ગ્રીન સિટી બનાવવાના સંકલ્પને પૂર્ણ કરવા માટે, મ્યુનિસિપલ કોર્પોરેશને મુખ્યમંત્રીના માર્ગદર્શન હેઠળ 40 લાખ વૃક્ષો વાવવા માટે મિશન ફોર મિલિયન ટ્રીઝ 2025 અભિયાન શરૂ કર્યું છે.

મિશન ફોર મિલિયન ટ્રીઝ 2025 હેઠળ, સમગ્ર શહેરમાં કુલ 40 લાખ રોપાઓ વાવવાનો લક્ષ્યાંક નક્કી કરવામાં આવ્યો છે, જેમાંથી 7 ઓગસ્ટ, 2025 સુધીમાં કુલ 27,11,443 રોપાઓ વાવવામાં આવ્યા છે.

આમ, અમદાવાદ મ્યુનિસિપલ કોર્પોરેશને 40 લાખ રોપાઓ વાવવાના લક્ષ્યાંક સામે 66.77 ટકા વાવેતર પ્રાપ્ત કર્યું છે. આગામી સમયમાં, બાકીના રોપાઓ વાવવાનું કાર્ય પણ ઝડપથી પૂર્ણ કરવામાં આવશે.

અમદાવાદ મ્યુનિસિપલ કોર્પોરેશને અત્યાર સુધીમાં શહેરના ૧૯૮ પ્લોટમાં મિયાવાકી પદ્ધતિ અને શહેરના પ્લોટ પર સઘન વૃક્ષારોપણ દ્વારા ઓક્સિજન પાર્ક/શહેરી વન તૈયાર કર્યા છે.

અમદાવાદના વિવિધ ઝોનમાં કુલ ૧૯૮ ઓક્સિજન પાર્ક/શહેરી વન વિકસાવવામાં આવ્યા છે, જેમાં પૂર્વ ઝોનમાં ૫૮, પશ્ચિમ ઝોનમાં ૩૦, ઉત્તર ઝોનમાં ૨૯, દક્ષિણ ઝોનમાં ૧૮, ઉત્તર-પશ્ચિમ ઝોનમાં ૩૨ અને દક્ષિણ-પશ્ચિમ ઝોનમાં ૩૧નો સમાવેશ થાય છે.

આ ઉપરાંત, મહાનગરમાં કુલ ૩૧૦ જાહેર ઉદ્યાનો છે, જેમાં મધ્ય ઝોનમાં ૧૯, પૂર્વ ઝોનમાં ૩૦, પશ્ચિમ ઝોનમાં ૮૨, ઉત્તર ઝોનમાં ૪૦, દક્ષિણ ઝોનમાં ૪૦, ઉત્તર પશ્ચિમ ઝોનમાં ૬૮ અને દક્ષિણ-પશ્ચિમ ઝોનમાં ૩૧નો સમાવેશ થાય છે.

The post અમદાવાદના લાંભા વોર્ડમાં મુખ્યમંત્રીએ શહેરી વન ઉદ્યાનનું ઉદ્ઘાટન કર્યું appeared first on ગુજરાત ન્યૂજ પોસ્ટ.